Қазір Қорда келесі акциялар өткізілуде:

"Дара" қоры жаңа "Иппотерапия" жобасы үшін демеушілерді іздеуде. Әлемдік практикада БЦС ауыратын балаларды оңалтушылық емдеу үшін барша жерлерде қолданылатын салт атты емдік серуен осылай деп аталады. Иппотерапия өзін оңалтудың ең нәтижелі әдістерінің бірі ретінде көрсетті. Салт атты емдік серуен тек физикалық ахуалды жақсартуға жәрдемдесіп қана қоймай, сонымен қатар таңғажайып түрде ауру балалардың белсенді өмірге және тірлікке құштарлығын оятады. Өз қатарластарымен толыққанды араласа алмайтын балалар жылқымен эмоционалдық араласудың көмегімен өзіне сенімділікті және қоғамда орнын табу үшін қажетті машықтарды шыңдайды.

"Дара" қоры "Иппотерапия" жобасын бір ғана жылдың ішінде орталық нерв жүйесінің аурулары бар 700 шақты бала оңалтушылық емдеуден өтетін Республикалық "Балбұлақ" балаларға арналған оңалту орталығының аумағында манеж бен атқора тұрғызу үшін қолға алды.

"Дара" ЖҚҚ "Иппотерапия" жобасы үшін 2 209 200 теңге жинап та үлгерді. Біз жоба үшін қаражат және демеушілер іздеуді жалғастырудамыз.


1) "15000 теңге" акциясы бойынша демеушілер іздестірілуде. Бұл демеушілік жоспар игілік жасағысы келетін, бірақ қалай оны тиімді істеуді білмейтіндерге арналған. Сол үшін ҚР қарапайым азаматтарының тұрақты жарнасы үшін платформа жасадық, ай сайынғы жарнаны 15000 теңге көлемінде тағайындадық. Жиналған қаржы "Дәнекер" жобасы бойынша жетім балалар мен жарымжан балалардың оқуын төлеуге жұмсалады. Осы жоба шеңберінде Қор балалармен өнер-терапия, еңбек терапиясын, театр-терапия, би, футбол, гитарада ойнау, шахмат және салауатты өмір салтын қалыптастырумен айналысады. 15000 теңге акциясы бойынша екі демеуші үйірме сабақтарының бір түрінің бір ай мерзімін төлейді. Айман Андаспаева мен Азиза Налибаева - өнер терапиясы сабақтарын, Люба Пак пен Маржан Кұлажанова- гитара сабақтарын төлейді. Театр-терапия, еңбек терапиясы, салауатты өмір салты бойынша сабақтарды төлеуге сегіз демеуші іздестірілуде. Демеуші қаласа, демеушілік жарнаны өсіру мүмкіншілігі бар, сөйтіп, Мақпал Кәрібжанова екі мекемеде би сабақтарын толық төлейді, Ланкастер групп компаниясы футболдан барлық жаттығуларды төлейді. Ал демеуші Владимир Бреловтың арқасында желтоқсан айынан бастап шахмат сабақтары жоспарлануда.

2) Сондай-ақ, Қор ҚР Педиатрия мен Балалар Хирургиясы Ғылыми Орталығының онкогематология бөлімі үшін инфузоматтарды сатып алуға қаржы жинау акциясын жалғастыруда. Бұл көмек ушыққан лейкозбен және апластикалық анемиямен ауыратын балаларды емдеу сапасын жақсартуға бағытталады. Орталық көпкомпонентті, құрамалы, жоғарғы мөлшердегі химиотерапия пайдаланылуын ескеретін заманға сай, тиімді неміс емдеу хаттамаларын ТМД аумағында алғашқылардың бірі болып ендірді. Бұл инфузиондық химиятерапия тәулік бойы жұмыс істейді және инфузоматтардың - дәрілік заттарды тамырға мөршерлеп енгізу аппараттарының пайдаланылуын талап етеді. Орталықтың екі онкогематологиялық бөлімі 60 орынға арналған, бірақ күніне бұнда 90-100 бала ем қабылдайды. Сондықтан бар жабдықтар тәулік бойы инфузия жасауға жеткіліксіз, оған қоса қарқынды әрі тәулік бойы пайдаланғандықтан тез тозады. Қор немістерде жасалған BBraun фирмасының 30 қосымша инфузаматтарын екі бөлімге де сатып алуды жоспарлауда. Бір инфузаматтың бағасы 319000 теңге. Қор бірқатар акциялар өткізу арқылы келесі шаралардың арқасында 9 инфузамат сатып алуға қаржы жинады:

* Барбара Лохсе, Хейзил Арнольд, Роджер Холланд ұйымдастырған тай кешінде, қайырымдылық аукцион мен Питер Фостердің қолдауының және Эйр Астана компаниясының арқаларында Павле мен Сладяны Матижевичтен 5000 USD жиналды.

* Эльмира Бердиярова ұйымдастырған шараптарды дәм тату Фестивалі кезінде қайырымдылық аукцион Индира Бабаевадан, Эльдар Кабиевтен және Нұрлан Абуовтан 1 450 000 теңге жинады. Сондай-ақ бұл кеште Анджело Винчи 2000 Евро, ал кеш қонақтары қайырымдылыққа жинайтын қорапқа 113 930 теңге садақа етті.

* 19 қарашада, Роджер Холланд ұйымдастырған қайырымдылық Регби кешінде Павле мен Сладяны Матижевич қойған лот Саймон Мюнтерден 3500 USD әкелді. Бұл қаржыны Барбара Лохсе, Хейзил Арнольд Дара Қорына жіберді. Тағы 21 инфузамат сатып алуға қаржы жинау жұмыстары жалғасуда.