Жаңалықтар мен оқиғалар

"Мереке" жобасының шеңберінде, біздің Қор ай сайын Педиатрия ҒЗИ-ның балаларына барып тұрады. 26 қаңтар күні, біздің ескі достарымыз, Мемлекеттік цирк артістері балақайлардын алдында биылдыққа бірінші рет қойылым қойды. Балалар әртістерді, әсіресе Балтабай мен Балғабай есімді сүйікті клоундарды көріп қатты қуанды. Осындай қойылымдар ай сайын өтетінін ескере отырып, әртістер өз нөмірлерін қайталамауға тырысады. Бұл жолы балалар Берік есімді жас артістің актробаттық қабілеттерін тамашалады. Ол барша жұрттың көзінше кішкене ғана қораптың ішіне сыйып кетті. Қораптың көлеміне және баланың дене бітіміне қарап бұл мүмкін емес секілді. Барлығы баланың икемділігі мен қабілетіне таң қалды. Неше түрлі фокустер, қақпақылдау, конкрустар - әртістердің бағдарламаса өте қызықты болды. Осындай көріністердің арқасында, балалардың мінезі бірте-бірте ашылып, клоундармен бірге конкурстарға қуана қатысады. Көрініс аяқталғанда, ата-аналадрың бірі ортаға шығып, балаларға күлкі мен қуаныш сыйлағандарымыз үшін цирк әртістері мен біздің Қорға ризашылығын білдірді.